जनता विद्यालय व कनिष्ठ महाविद्यालय मुल्हेर येथे शाळा प्रवेशोत्सव साजरा.....

          डांग सेवा मंडळ संचलित जनता विद्यालय व कनिष्ठ महाविद्यालय मुल्हेर तालुका बागलाण येथे शाळा प्रवेशोत्सव साजरा करण्यात आला. यावेळी आयोजित कार्यक्रमाच्या अध्यक्षस्थानी मुल्हेरचे सरपंच श्री निंबा भानसे हे होते, तर प्रमुख अतिथी म्हणून उपसरपंच श्री योगेश सोनवणे, ग्रामपंचायत सदस्या श्रीमती सुनिता गर्गे, डांग सेवा मंडळाचे संचालक श्री अनिल पंडित भाऊसाहेब हे होते. प्राचार्य श्री अशोक नंदन यांनी शालेय प्रगतीचा आढावा मांडून, विविध शैक्षणिक योजनांची माहिती दिली. तसेच सर्व उपस्थित विद्यार्थ्यांचे व मान्यवरांचे स्वागत केले. यावेळी विद्यालयात नवीन प्रवेशित विद्यार्थ्यांचे औक्षण करून व मान्यवरांच्या हस्ते गुलाब पुष्प देऊन स्वागत करण्यात आले. त्यानंतर पाचवी ते आठवी वर्गातील विद्यार्थ्यांना मान्यवरांच्या हस्ते प्रातिनिधिक स्वरूपात  मोफत पाठ्यपुस्तकांचे वितरण करण्यात आले.  ग्रामपंचायत सदस्या श्रीमती गर्गे यांनी विद्यार्थ्यांना शैक्षणिक वर्षासाठी शुभेच्छा देऊन विद्यार्थ्यांनी वेगवेगळ्या स्पर्धांमध्ये सहभागी होऊन यश संपादन करावे असे आवाहन केले. कार्यक्रमास पर्यवेक्षक श्री दिलीप जाधव, श्री मधुकर मोरे तसेच सर्व शिक्षक शिक्षकेतर कर्मचारी व विद्यार्थी उपस्थित होते